“კარი ღიაა, მშვიდობით, ამას კვარაცხელიასგან არ ვიმსახურებთ” – რაზე გაუნაწყენდა Areanapoli ხვიჩას?

Areanapoli-მ სერია ა-ს წინა ტურის მატში – „კალიარი“ და „ნაპოლი“ – გააანალიზა.

გამოცემა მიიჩნევს, რომ ნეაპოლური გუნდის ქართველმა შემტევმა, ხვიჩა კვარაცხელიამ, ისევ ცუდად ითამაშა.

აღნიშნული მედია საკუთარ პოზიციას გულშემატკივართა პოსტებით ახმოვანებს.

„გამარჯვება ბოლო წუთებში მხოლოდ აბსურდული შეცდომის გამო კი არა, არამედ პოლიტანოსა და სიმეონეს განიავებული შანსების შედეგად გაგვისხლტა ხელიდან. ვინც კიდევ ერთხელ თავის შესაძლებლობებზე დაბალ დონეზე იასპარეზა, კვარაცხელია იყო, რომელიც “ბარსელონასთან” შეცვლისას უკმაყოფილობის გამოხატვის გამო გააკრიტიკეს. ის ისევ ძალიან ცუდად გაისარჯა.

ეს ამ სეზონში პირველად არ დაემართა. ბევრისათვის მასთან კონტრაქტის განახლების გარდა,
განშორებაა ცხადი. დე ლაურენტისმა განმარტა, რატომ არ გაუხანგრძლივა ხელშეკრულება – აგეტმა საკითხის განხილვა სეზონის ბოლოსთვის გადადო. ისეთი შთაბეჭდილება რჩება, თუ შესაბამისი შეთავაზება იქნება, “ნაპოლი” შეაფასებს და გადაწყვეტილებას მიიღებს.

სოციალურ ქსელში ქომაგები ამასთან დაკავშირებით წერენ: “რასაც ოსიმენზე ვამბობთ, “კვარასაც” ეხება: თუ არ უნდა თავდაუზოგავად დაიცვას ჩვენი გუნდის ღირსება, კარი ღიაა. იქნება ღირებული შეთავაზება – მშვიდობით”.

“სკუდეტოს მოპოვებისას ჩატარებული შესანიშნავი სეზონისათვის მუდამ მადლობელი ვიქნებით, მაგრამ ახლა სათანადოდ ვეღარ თამაშობს. ასევე დამნაშავეა დე ლაურენტისი, რომელმაც კონტრაქტი მაშინვე არ განუახლა, რამეთუ ფეხბურთში პროფესიონალთა მოტივაცია აუცილებელია. თუმცა, მოდით, ამ წამებას ბოლო მოვუღოთ, რასაც არ ვიმსახურებთ“.

შეგახსენეთ, მატში ფრედ, 1:1, დასრულდა, ფრანჩესკო კალცონამ კი ხვიჩა 73-ე წუთზე შეცვალა/

წყარო: sportall.ge

სხვა ახალი ამბები:

 

One thought on ““კარი ღიაა, მშვიდობით, ამას კვარაცხელიასგან არ ვიმსახურებთ” – რაზე გაუნაწყენდა Areanapoli ხვიჩას?

Comments are closed.